ദേശീയ വാർത്തകൾ

പ്രധാനമന്ത്രി പദം ഏറ്റെടുക്കാൻ ആദ്യം സമ്മതിച്ചെങ്കിലും പിന്നീട് പിന്മാറി; നിലപാട് മാറ്റിയതിന്റെ കാരണം വെളിപ്പെടുത്തി സോണിയ ഗാന്ധി

2004ലെ ലോക്‌സഭാ തിരഞ്ഞെടുപ്പിന് മാസങ്ങൾക്കുമുമ്പ് തന്നെ പ്രധാനമന്ത്രി പദം ഏറ്റെടുക്കേണ്ടതില്ലെന്ന് തീരുമാനിച്ചിരുന്നതായി സോണിയ ഗാന്ധി വെളിപ്പെടുത്തി. രാഹുൽ ഗാന്ധിയും പ്രിയങ്ക ഗാന്ധിയും ഇതേ നിലപാടാണ് ആഗ്രഹിച്ചിരുന്നതെന്നും അവർ വ്യക്തമാക്കി.

Gandhi Family News

2004ലെ ലോക്‌സഭാ തിരഞ്ഞെടുപ്പിന് മാസങ്ങൾക്കുമുമ്പ് തന്നെ പ്രധാനമന്ത്രി പദം ഏറ്റെടുക്കേണ്ടതില്ലെന്ന് തീരുമാനിച്ചിരുന്നതായി കോൺഗ്രസ് നേതാവ് സോണിയ ഗാന്ധി വെളിപ്പെടുത്തി. രാഹുൽ ഗാന്ധിയും പ്രിയങ്ക ഗാന്ധിയും ഇതേ നിലപാടാണ് ആഗ്രഹിച്ചിരുന്നതെന്നും അവർ പറഞ്ഞു. എന്നാൽ തിരഞ്ഞെടുപ്പ് ഫലത്തിന് പിന്നാലെ പ്രധാനമന്ത്രി പദം ഏറ്റെടുക്കാൻ സഖ്യകക്ഷി നേതാക്കളിൽ നിന്ന് കടുത്ത സമ്മർദം നേരിടേണ്ടി വന്നതായും സോണിയ വ്യക്തമാക്കി.

സഖ്യകക്ഷികളുടെ സമ്മർദത്തെ തുടർന്ന് ആദ്യം പ്രധാനമന്ത്രി പദം ഏറ്റെടുക്കാമെന്ന് സമ്മതിക്കേണ്ടി വന്നിരുന്നു. എന്നാൽ ആ തീരുമാനവുമായി മുന്നോട്ടുപോകരുതെന്ന് രാഹുലും പ്രിയങ്കയും ആവശ്യപ്പെട്ടതായി സോണിയ ഗാന്ധി പറഞ്ഞു. തന്റെ ഉള്ളിൽ രണ്ട് ചിന്തകൾ തമ്മിൽ കടുത്ത സംഘർഷം നിലനിന്നിരുന്നുവെന്നും അവർ വെളിപ്പെടുത്തി.

പ്രധാനമന്ത്രി പദം ഏറ്റെടുത്തിരുന്നെങ്കിൽ തന്റെ വിദേശ പൗരത്വം ബിജെപിയും ആർഎസ്എസും രാഷ്ട്രീയമായി ഉപയോഗിച്ച് രാജ്യത്ത് ഭിന്നത സൃഷ്ടിക്കുമായിരുന്നുവെന്നാണ് സോണിയ ഗാന്ധിയുടെ വിലയിരുത്തൽ.

ഇന്ന് പുറത്തിറങ്ങുന്ന പുസ്തകത്തിലാണ് 2004ലെ രാഷ്ട്രീയ സാഹചര്യങ്ങളും പ്രധാനമന്ത്രി പദം ഏറ്റെടുക്കാതിരിക്കാനുള്ള തീരുമാനത്തിന് പിന്നിലെ കാരണങ്ങളും സോണിയ ഗാന്ധി വിശദീകരിക്കുന്നത്.

അഭിപ്രായങ്ങൾ

ആദ്യം അഭിപ്രായം പറയൂ.