ഇന്ത്യ
വന്ദേമാതരം മുഴുവൻ പാടണോ?
ഇന്ത്യയുടെ സ്വാതന്ത്ര്യസമര ചരിത്രത്തിൽ 'വന്ദേമാതരം' പോലെ ഇത്രയേറെ വൈകാരികമായ സ്ഥാനമുള്ള മറ്റൊരു ഗാനമുണ്ടോ എന്ന് ചോദിച്ചാൽ, ഒരുപക്ഷേ ഇല്ല എന്നാവും ഉത്തരം. ബ്രിട്ടീഷ് ഭരണത്തിനെതിരെ പോരാടിയ ഒരു തലമുറയുടെ ആവേശമായിരുന്നു വന്ദേമാതരം. അതുകൊണ്ടുതന്നെ നമ്മുടെ ഭരണഘടനാ ശില്‍പ്പികൾ ജനഗണമന ദേശീയ ഗാനമായി അംഗീകരിച്ചപ്പോൾ അതിനൊപ്പം തന്നെ, അതേ പ്രാധാന്യത്തോടെ, വന്ദേമാതരം, ആദ്യത്തെ രണ്ടു ഖണ്ഡങ്ങൾ, ദേശീയ ഗീതമായും അംഗീകരിച്ചു. ഏഴ് പതിറ്റാണ്ടിലധികമായി രാജ്യത്തെ ജനങ്ങൾ അത്യധികം ബഹുമാനത്തോടെയും സ്നേഹത്തോടെയും തന്നെ രണ്ടിനേയും ഹൃദയത്തിലേറ്റിയിരിക്കുന്നു.
