ഏറ്റവും പുതിയ ദേശീയ വാർത്തകൾ — രാഷ്ട്രീയം, പാർലമെന്റ്, തിരഞ്ഞെടുപ്പ്, സുപ്രീം കോടതി വിധികൾ, സർക്കാർ പദ്ധതികൾ, സംസ്ഥാന വാർത്തകൾ
‘ഫുൾ ടൈം’ കെപിസിസി അധ്യക്ഷൻ എന്ന നിബന്ധനയിൽ വ്യക്തതയില്ലെന്ന് കൊടിക്കുന്നിൽ സുരേഷ്. പാർട്ടി ഇതുസംബന്ധിച്ച് വ്യക്തമായ നിലപാട് അറിയിച്ചിട്ടില്ലെന്ന് കൊടിക്കുന്നിൽ സുരേഷ് ഏഷ്യാനെറ്റ് ന്യൂസിനോട് പറഞ്ഞു. എംപിമാരും എംഎൽഎമാരും ആയിരുന്നപ്പോഴാണ് പലരും കെപിസിസി അധ്യക്ഷന്മാരായതെന്നും അദ്ദേഹം ചൂണ്ടിക്കാട്ടി.
ഇ-20 ഇന്ധനവുമായി പൊരുത്തപ്പെടുന്ന വാഹനങ്ങളുടെ എണ്ണം സർക്കാർ വിലയിരുത്തിയിട്ടില്ലെന്ന് രാജ്യസഭയിൽ കേന്ദ്രമന്ത്രി സുരേഷ് ഗോപി. പ്രതിഷേധങ്ങൾക്കിടെ മറുപടി പുതിയ ചർച്ചകൾക്ക് വഴിവെച്ചു.
ടിക്കറ്റില്ലാതെ യാത്ര ചെയ്ത കുട്ടിയാത്രക്കാരനെ ശാസിക്കാതെ ചേർത്ത് പിടിച്ച ടിടിഇയുടെ കരുതൽ സോഷ്യൽമീഡിയയുടെ ഹൃദയം കീഴടക്കുന്നു. മനുഷ്യസ്നേഹത്തിന്റെ ഈ നിമിഷത്തിന് കൈയടിച്ച് നെറ്റിസൺസ്. ❤️🚆
ചികിത്സാപ്പിഴവിൽ ഭാര്യ മരിച്ചെന്ന ആരോപണം; പ്രകോപിതനായ ഭർത്താവ് ആശുപത്രിക്ക് തീയിട്ടു, വൻ ദുരന്തം ഒഴിവായി.
മസൂദ് പെസെഷ്കിയനും നരേന്ദ്രമോദിയും തമ്മിൽ കൂടിക്കാഴ്ച നടത്തി. പശ്ചിമേഷ്യയിലെ സംഘർഷവും നിലവിലെ സാഹചര്യങ്ങളും ചർച്ചയായി. നാവികരുടെ സുരക്ഷയ്ക്കാണ് ഇന്ത്യ മുൻഗണന നൽകുന്നതെന്ന് മോദി വ്യക്തമാക്കി. കപ്പലുകൾക്ക് സുരക്ഷിത സഞ്ചാരപാത ഉറപ്പാക്കണമെന്നും ഇന്ത്യ ആവശ്യപ്പെട്ടു.
ജമ്മു കശ്മീർ മുഖ്യമന്ത്രി ഒമർ അബ്ദുള്ളയുടെ പ്രതികരണത്തോട് മറുപടിയുമായി കോൺഗ്രസ്. ഒമർ അബ്ദുള്ളയുടെ പരാമർശം യാഥാർഥ്യവുമായി ബന്ധമില്ലാത്തതാണെന്ന് ജമ്മു കശ്മീർ കോൺഗ്രസ് അധ്യക്ഷൻ താരിഖ് ഹമീദ് കാര പറഞ്ഞു.
ഏഴ് മാസത്തെ അന്വേഷണത്തിനൊടുവിൽ 18കാരിയെ കണ്ടെത്തി. കനകപുര താലൂക്കിലെ ഒരു ഗ്രാമത്തിൽ വിവാഹിതനായ ഒരാൾക്കൊപ്പം താമസിക്കുന്ന നിലയിലാണ് യുവതിയെ കണ്ടെത്തിയത്. ആധാർ ഒ.ടി.പി ഉപയോഗിച്ചതോടെയാണ് പൊലീസിന് യുവതിയുടെ ലൊക്കേഷൻ കണ്ടെത്താനായത്.
ബ്രിക്സ് ഉച്ചകോടി കൊണ്ട് ഇന്ത്യക്ക് എന്ത് പ്രയോജനമെന്ന പി. ചിദംബരത്തിന്റെ ചോദ്യത്തിന് പിന്നാലെ ഭിന്നാഭിപ്രായവുമായി ശശി തരൂർ. ബ്രിക്സ് ഇന്ത്യയുടെ നയതന്ത്ര കരുത്ത് വ്യക്തമാക്കുന്നതാണെന്ന് തരൂർ.
ആഴ്ചയിൽ അഞ്ച് പ്രവൃത്തിദിനം ഉൾപ്പെടെയുള്ള ആവശ്യങ്ങൾ അംഗീകരിക്കാത്തതിനെ തുടർന്ന് ബാങ്ക് യൂണിയനുകൾ പണിമുടക്കിലേക്ക്. ചർച്ചകൾ പരാജയപ്പെട്ടാൽ ഈ മാസം തുടർച്ചയായി അഞ്ച് ദിവസം വരെ ബാങ്കുകൾ അടഞ്ഞുകിടക്കാൻ സാധ്യത. ഒക്ടോബർ മുതൽ അനിശ്ചിതകാല സമരത്തിനും പ്രഖ്യാപനം.
ബ്രിക്സ് ഉച്ചകോടിയിൽ ‘ഡീ-ഡോളറൈസേഷൻ’ ചർച്ചയാക്കാൻ ഇന്ത്യ. ഡോളറിന് ബദലായ സാമ്പത്തിക സംവിധാനങ്ങളെക്കുറിച്ച് 2026ലെ ബ്രിക്സ് ഉച്ചകോടിയിൽ ഇന്ത്യ മുൻകൈയെടുക്കും. അംഗരാജ്യങ്ങൾ തമ്മിലുള്ള വ്യാപാരത്തിൽ ഡോളറിനുള്ള ആശ്രിതത്വം കുറയ്ക്കുകയാണ് നീക്കത്തിന്റെ ലക്ഷ്യം
ഉച്ചകോടിയോടനുബന്ധിച്ച് വിവിധ നിയന്ത്രണങ്ങളും ഗതാഗത ക്രമീകരണങ്ങളും ഏർപ്പെടുത്തിയിട്ടുണ്ട്. യാത്രക്കാർക്കും പൊതുജനങ്ങൾക്കും ദില്ലി പൊലീസ് ജാഗ്രതാ നിർദേശങ്ങൾ നൽകി.
സംയുക്ത പ്രഖ്യാപനത്തിൽ ധാരണയിലെത്തുന്നതിനായി ഇറാനും യുഎഇയും തമ്മിലുള്ള ഭിന്നത പരിഹരിക്കാൻ ഇന്ത്യ ശ്രമിക്കുന്നു. പ്രധാനമന്ത്രി നരേന്ദ്ര മോദി വിഷയത്തിൽ നേരിട്ട് ഇടപെടുമെന്നാണ് സൂചന. അതേസമയം, സാങ്കേതിക ഉൽപ്പന്നങ്ങളുടെ കയറ്റുമതിയിൽ ചൈന ഏർപ്പെടുത്തിയ നിയന്ത്രണങ്ങളെക്കുറിച്ചുള്ള ആശങ്കകളും ഇന്ത്യ ഉന്നയിച്ചേക്കും.
മല്ലികാർജുൻ ഖർഗെയെ അപമാനിച്ചെന്ന പരാതിയിൽ കുറ്റക്കാർക്കെതിരെ നടപടി വൈകുന്നതായാണ് പ്രതിപക്ഷ എംപിമാരുടെ ആരോപണം. അന്വേഷണം ശരിയായ ദിശയിൽ മുന്നോട്ട് പോകണമെന്നും എംപിമാർ ആവശ്യപ്പെട്ടു. അതേസമയം, അന്വേഷണം ശരിയായ ദിശയിൽ തന്നെയാണ് നടക്കുന്നതെന്ന് ഉത്തരാഖണ്ഡ് സംസ്ഥാന സർക്കാർ വ്യക്തമാക്കി.
ബിജെപിയെ പരാജയപ്പെടുത്താൻ ഒന്നിച്ച് നിൽക്കാനാണ് ഇന്ത്യ സഖ്യത്തിലെ ധാരണയെന്ന് എം.എ. ബേബി പറഞ്ഞു. പ്രധാനമന്ത്രിയെ തീരുമാനിക്കുന്നത് തെരഞ്ഞെടുപ്പിന് ശേഷമായിരിക്കും. പ്രതിപക്ഷ നേതാവായതിനാലാണ് രാഹുൽ ഗാന്ധിയെ പ്രധാനമന്ത്രി സ്ഥാനത്തേക്ക് ഉയർത്തിക്കാട്ടുന്നതെങ്കിൽ, കോൺഗ്രസ് അധ്യക്ഷൻ മല്ലികാർജുൻ ഖർഗെയ്ക്കും ഇതേ അവകാശവാദമുണ്ടാകുമെന്നും അദ്ദേഹം പറഞ്ഞു.
കടുത്ത വൈറൽ അണുബാധയും നിർജ്ജലീകരണവും മൂലം സാമൂഹിക പ്രവർത്തകൻ അണ്ണാ ഹസാരെയെ മുംബൈയിലെ ആശുപത്രിയിൽ തീവ്രപരിചരണ വിഭാഗത്തിൽ പ്രവേശിപ്പിച്ചു. റാലെഗാവ് സിദ്ധിയിൽ നിന്ന് ആരോഗ്യനില മോശമായതിനെ തുടർന്നാണ് അദ്ദേഹത്തെ മുംബൈയിലേക്ക് മാറ്റിയത്. വിദഗ്ധ ഡോക്ടർമാരുടെ സംഘം അദ്ദേഹത്തിന്റെ ആരോഗ്യനില നിരീക്ഷിച്ച് വരികയാണ്.
നേപ്പാൾ മിന്നൽ പ്രളയത്തിൽ മരണം 950 കടന്നു. ജലവൈദ്യുത പ്ലാന്റുകളിൽ ഇപ്പോഴും 650ലധികം പേരെ കണ്ടെത്താനായിട്ടില്ലെന്ന് അധികൃതർ.
ഓപ്പറേഷൻ സിന്ദൂറിലെ മികച്ച പ്രകടനത്തിന് പിന്നാലെ, അഞ്ച് എസ്-400 'സുദർശൻ' മിസൈൽ സംവിധാനങ്ങൾ കൂടി ഇന്ത്യക്ക് വിൽക്കാൻ റഷ്യ വാഗ്ദാനം ചെയ്തു. പ്രധാനമന്ത്രി മോദിയും പ്രസിഡന്റ് പുടിനും തമ്മിലുള്ള കൂടിക്കാഴ്ചയിൽ ഈ നിർദ്ദേശം ചർച്ചയായി. പുതിയ യൂണിറ്റുകൾ ഇന്ത്യയുടെ കിഴക്കൻ, പടിഞ്ഞാറൻ അതിർത്തികളിലെ വ്യോമ പ്രതിരോധം ശക്തിപ്പെടുത്തും.
രാജസ്ഥാൻ ഹൈക്കോടതിക്ക് പുതിയ ചീഫ് ജസ്റ്റിസിനെ നിർദ്ദേശിച്ച് സുപ്രീം കോടതി കൊളീജിയം. ഛത്തീസ്ഗഡ് ഹൈക്കോടതി ജഡ്ജി ജസ്റ്റിസ് സഞ്ജയ് കെ അഗർവാളിനെയാണ് രാജസ്ഥാൻ ചീഫ് ജസ്റ്റിസായി ശുപാർശ ചെയ്തത്.
കമ്പനിയുടെ അഭിഭാഷകരാണ് സോണിയ ഗാന്ധിയുടെ സഹായികളുമായി പലവട്ടം ചർച്ചകൾ നടത്തിയതെന്നും അഭിഭാഷകരുടെ നിർദ്ദേശങ്ങളെ ഒടുവിൽ സോണിയ ഗാന്ധി എതിർക്കുകയായിരുന്നുവെന്ന് പെൻഗ്വിൻ ഹൗസ് പറയുന്നു.
അതിനിടെ പ്രതിസന്ധിയെത്തുടർന്ന് കൊച്ചി ഫുജൈറ വിമാന സർവ്വീസ് റദ്ദാക്കി. ദുബായ് കൊച്ചി വിമാനം അഞ്ചുമണിക്കൂർ വൈകിയാണ് പുറപ്പെടുക. ഇന്ന് രാത്രി 9.35ന് പുറപ്പെടേണ്ട കൊച്ചി ഫുജൈറ വിമാനം നാളെ പുലർച്ചെ ഒന്നരക്കേ പുറപ്പെടുകയൊള്ളുവെന്ന് സ്പൈസ് ജെറ്റ് അധികൃതർ അറിയിച്ചു.
പ്രധാനമന്ത്രിക്ക് ഉസ്ബെക്കിസ്ഥാൻ്റെ പരമോന്നത ബഹുമതി ലഭിച്ചതിൽ പരിഹാസവുമായി അസദുദ്ദീൻ ഒവൈസി. ബാബറിൻ്റെ നാട്ടുകാരാണ് മോദിയെ ആദരിച്ചതെന്ന് പറഞ്ഞ ഒവൈസി, ഇനിയെങ്കിലും സംഘപരിവാർ ബാബറിനെ അധിക്ഷേപിച്ച് സംസാരിക്കില്ലെന്ന് പ്രതീക്ഷിക്കുന്നുവെന്നും പറഞ്ഞു.
വിജയ്യെ 2029-ലെ പ്രധാനമന്ത്രി സ്ഥാനാർത്ഥിയായി ഉയർത്തിക്കാട്ടാനുള്ള ടിവികെ നീക്കത്തിൽ കോൺഗ്രസ് കടുത്ത അതൃപ്തി രേഖപ്പെടുത്തി.
