തലസ്ഥാന ജില്ലയിലെ ഏറ്റവും പുതിയ വാർത്തകൾ ഇവിടെ. നെയ്യാറ്റിൻകര, ആറ്റിങ്ങൽ, വർക്കല, നെടുമങ്ങാട്, കാട്ടാക്കട, ചിറയിൻകീഴ്, വിഴിഞ്ഞം, കോവളം എന്നിവിടങ്ങളിൽ നിന്നുള്ള പ്രാദേശിക വിശേഷങ്ങൾ, കോർപ്പറേഷൻ–തദ്ദേശ സ്ഥാപന വാർത്തകൾ, സെക്രട്ടേറിയറ്റ്–സർക്കാർ ഉത്തരവുകളും ഭരണ വാർത്തകളും, വിഴിഞ്ഞം തുറമുഖ വികസനം, ടെക്നോപാർക്കും ഐടി മേഖലയും, ഐഎസ്ആർഒ–വിഎസ്എസ്‌സി ബഹിരാകാശ വാർത്തകൾ, മെഡിക്കൽ കോളേജ് ഉൾപ്പെടെയുള്ള ആരോഗ്യ രംഗം, ശ്രീപത്മനാഭസ്വാമി ക്ഷേത്രവും ഉത്സവങ്ങളും, കോവളം–വർക്കല ടൂറിസം എന്നിവ മലയാളത്തിൽ വായിക്കാം.
ഗതാഗത മന്ത്രി സി.പി. ജോണിന്റെ ഓഫീസുമായുള്ള ഭിന്നതയെ തുടർന്ന് ഗതാഗത വകുപ്പ് സെക്രട്ടറി ടി.വി. അനുപമയെ സ്ഥാനത്തുനിന്ന് മാറ്റിയതായി റിപ്പോർട്ട്. പകരം ഡി. ബാലമുരളിയെ പുതിയ ഗതാഗത വകുപ്പ് സെക്രട്ടറിയായി നിയമിച്ചു. ടി.വി. അനുപമയെ തദ്ദേശ സ്വയംഭരണ വകുപ്പ് സെക്രട്ടറിയായാണ് മാറ്റിനിയമിച്ചത്.
വഖഫ് ബോർഡിലെ പ്രാതിനിധ്യത്തെച്ചൊല്ലിയുള്ള തർക്കത്തിൽ സമവായമായതായി റിപ്പോർട്ട്. എ.പി. വിഭാഗം നിർദേശിക്കുന്ന വ്യക്തിക്ക് വഖഫ് ബോർഡിൽ അംഗത്വം നൽകാനാണ് ധാരണ. മുഖ്യമന്ത്രിയും പി.കെ. കുഞ്ഞാലിക്കുട്ടിയും നടത്തിയ സമവായ നീക്കങ്ങൾക്ക് പിന്നാലെ വഖഫ് മന്ത്രി ഇന്ന് വൈകിട്ട് കാന്തപുരം എ.പി. അബൂബക്കർ മുസ്‌ലിയാരുമായി കൂടിക്കാഴ്ച നടത്തും.
രാഹുൽ ഗാന്ധിക്കെതിരായ അധിക്ഷേപ പരാമർശത്തിൽ ബിജെപി നേതാവ് ആർ ശ്രീലേഖക്കെതിരെ പരാതി. യൂത്ത് കോൺഗ്രസ് സംസ്ഥാന വൈസ് പ്രസിഡൻറ് വിഷ്ണു സുനിൽ പന്തളമാണ് ഡിജിപിക്ക് പരാതി നൽകിയിരിക്കുന്നത്. ദില്ലി സമരത്തിന്റെ പശ്ചാത്തലത്തിലാണ് ശ്രീലേഖ രാഹുൽ ഗാന്ധിക്കെതിരെ അധിക്ഷേപ പരാമർശം നടത്തിയത്. മയക്കുമരുന്ന് ഉള്ളിൽ ചെല്ലുമ്പോൾ ഉണ്ടാകുന്ന വെപ്രാളമാണ് രാഹുൽ ഗാന്ധി ദില്ലിയിൽ കാണിക്കുന്നത് എന്നായിരുന്നു ആർ. ശ്രീലേഖയുടെ വിവാദ പരാമർശം. ആർ ശ്രീലേഖക്കെതിരെ കേസ് എടുക്കണമെന്ന് പരാതിയിൽ ആവശ്യപ്പെടുന്നു.
കിഫ്ബി സർക്കാരിന് വൻ സാമ്പത്തിക ബാധ്യതയാണെന്ന വിദഗ്ധ സമിതിയുടെ വിലയിരുത്തലിന് പിന്നാലെ കടമെടുപ്പ് അവസാനിപ്പിക്കാനും ധനവകുപ്പിന്റെ നിയന്ത്രണം ശക്തമാക്കാനും ശുപാർശ. റിപ്പോർട്ട് ഇന്ന് നിയമസഭയിൽ അവതരിപ്പിക്കും. അതേസമയം, കിഫ്ബിയുടെ പ്രവർത്തനരീതിയിൽ സമഗ്ര മാറ്റം വരുത്താനുള്ള നീക്കത്തെ പ്രതിപക്ഷം എതിർക്കുമെന്നാണ് സൂചന.
സ്കൂൾ കെട്ടിട നിർമാണത്തിനായി മണ്ണെടുത്തതിനെ തുടർന്ന് റോഡ് ഇടിഞ്ഞ് അപകടഭീഷണി ഉയർന്ന സാഹചര്യത്തിൽ ഫ്ലാറ്റിലെ 65 കുടുംബങ്ങളെ മാറ്റിപ്പാർപ്പിച്ചു. കുടുംബങ്ങൾക്ക് താൽക്കാലിക താമസസൗകര്യം ഒരുക്കാൻ സ്കൂൾ അധികൃതരോട് ജില്ലാ കളക്ടർ നിർദേശിച്ചു. മഴ ശക്തമായാൽ വീണ്ടും മണ്ണിടിച്ചിലുണ്ടാകുമോയെന്ന ആശങ്കയും നിലനിൽക്കുന്നു.
ഓൺലൈൻ റമ്മി കളിച്ച് ഉണ്ടായ കടം തീർക്കാൻ ബാങ്കിൽ മുക്കുപണ്ടം പണയം വെച്ച് 50 ലക്ഷത്തിലധികം രൂപ തട്ടിയ കേസിൽ പൊലീസുകാരൻ അറസ്റ്റിൽ. തിരുവനന്തപുരം നാലാഞ്ചിറയിലെ ബാങ്കിലാണ് തട്ടിപ്പ് നടന്നത്. കേസിൽ ബാങ്കിലെ ഗോൾഡ് അപ്രൈസറും അറസ്റ്റിലായി. പൊലീസുകാരന്റെ ഭാര്യയും അമ്മയും കേസിൽ പ്രതികളാണ്.
മുതിർന്ന പൗരന്മാരുടെ അവകാശ സംരക്ഷണവും ക്ഷേമവും ഉറപ്പാക്കുന്നതിനായി കൂടുതൽ ശക്തമായ നിയമവ്യവസ്ഥകൾ ഉൾപ്പെടുത്തിയ ബിൽ ഇന്ന് നിയമസഭയിൽ അവതരിപ്പിക്കും. മുതിർന്ന പൗരന്മാരുടെ സുരക്ഷയും അവകാശങ്ങളും ഉറപ്പുവരുത്തുന്നതിനുള്ള നടപടികൾ ശക്തിപ്പെടുത്തുകയാണ് ബില്ലിന്റെ ലക്ഷ്യം.
തിരുവനന്തപുരം യൂണിവേഴ്സിറ്റി കോളേജ് ഹോസ്റ്റലിൽ എസ്എഫ്ഐ പ്രവർത്തകർക്ക് നേരെ പൊലീസ് മർദ്ദനം നടന്നെന്ന ആരോപണത്തെ തുടർന്ന് പാളയത്ത് സംഘർഷം. സംഭവത്തിൽ പ്രതിഷേധവുമായി ഡിവൈഎഫ്ഐ രംഗത്തെത്തി. പ്രതിപക്ഷ നേതാവ് പിണറായി വിജയൻ സ്ഥലത്തെത്തി പൊലീസിനെതിരെ ആസൂത്രിത നടപടിയെന്ന ആരോപണം ഉന്നയിച്ചു. സംഭവത്തിൽ കൂടുതൽ പ്രതിഷേധത്തിന് സാധ്യത.
പരാതിക്കാരനായ ദിനേശ് മേനോന്റെ അഭിഭാഷകനാണ് സ്പീക്കർക്ക് കത്ത് നൽകിയത്. മാണി സി കാപ്പനെ അയോഗ്യനാക്കണമെന്നും പാലാ നിയമസഭാ മണ്ഡലത്തിലെ സീറ്റ് ഒഴിവുള്ളതായി വിജ്ഞാപനം പുറപ്പെടുവിക്കണമെന്നും കത്തിൽ ആവശ്യപ്പെട്ടു.
വിശാല സംസ്ഥാന സമിതിയിൽ അവതരിപ്പിക്കാനിരിക്കുന്ന കരട് റിപ്പോർട്ടിൽ തോൽവിയുടെ കാരണങ്ങൾ ഒഴിവാക്കി സംഘടനാ കാര്യങ്ങൾ മാത്രം ഉൾപ്പെടുത്തിയെന്നാണ് വിമർശനം. വീഴ്ചകൾ വ്യക്തമായി പരാമർശിക്കാത്ത റിപ്പോർട്ട് തിരുത്തലിന് എങ്ങനെ സഹായിക്കുമെന്ന ചോദ്യവും സംസ്ഥാന സമിതിയിൽ ഉയർന്നു.
.png&w=3840&q=75&dpl=dpl_7U2kgv4n4wsyuuQk4DBqJxW6KVbf)
തിരുവനന്തപുരത്ത് കുളത്തിൽ വീണ് ചികിത്സയിലായിരുന്ന ഗൃഹനാഥന് മരിച്ചു. ചെങ്കല്‍ സ്വദേശി അജിത് കുമാ‍ർ ആണ് മരിച്ചത്.മരിയാപുരം പോച്ചക്കുളത്ത് തുണി കഴുകുവാന്‍ പോയതിനിടെയാണ് അപകടം ഉണ്ടായത്.
തിരുവനന്തപുരം കഴക്കൂട്ടത്ത് നബിദിനാഘോഷം കഴിഞ്ഞ് മടങ്ങിയ യുവാക്കളെ ആക്രമിച്ച സംഭവത്തിൽ പ്രതികൾക്കായി അന്വേഷണം ഊർജിതം. പാറക്കരി സ്വദേശികളായ നാലുപേർക്കായാണ് പൊലീസ് അന്വേഷണം നടത്തുന്നത്.
സുകുമാരക്കുറുപ്പിന്റേതെന്ന് സംശയിച്ച് സോഷ്യൽ മീഡിയയിൽ പ്രചരിച്ച ചിത്രം തൃശൂർ സ്വദേശിയായ ദാമോദര മേനോന്റേതെന്ന് കേരള പൊലീസ് സ്ഥിരീകരിച്ചു. കുടുംബാംഗങ്ങൾ ചിത്രം തിരിച്ചറിഞ്ഞതായും ദാമോദര മേനോനുമായി പൊലീസ് ഫോണിൽ സംസാരിച്ചതായും സ്പെഷ്യൽ ബ്രാഞ്ച് എസിപി അറിയിച്ചു.
സംസ്ഥാനത്ത് സ്വർണ വിലയിൽ നേരിയ ഇടിവ് രേഖപ്പെടുത്തി. ഒരു ഗ്രാം 22 കാരറ്റ് സ്വർണത്തിന് 70 രൂപ കുറഞ്ഞ് 14,940 രൂപയും ഒരു പവന് 1,19,520 രൂപയുമായി. അതേസമയം, വെള്ളി വിലയിൽ മാറ്റമില്ലാതെ തുടരുന്നു.
രാവിലെ കുളത്തിലേക്ക് ചാടിയ മധ്യവയസ്കൻ കുളത്തിന്റെ മധ്യഭാഗത്ത് സ്ഥാപിച്ചിരുന്ന മണ്ഡപത്തിലൂടെ നടക്കുന്നതും വീണ്ടും ചാടാൻ ശ്രമിക്കുന്നതും നാട്ടുകാരുടെ ശ്രദ്ധയിൽപ്പെട്ടു. തുടർന്ന് നാട്ടുകാർ വിവരം ഫയർഫോഴ്സിനെ അറിയിക്കുകയും സംഘം സ്ഥലത്തെത്തി ഇയാളെ സുരക്ഷിതമായി കരയ്ക്കെത്തിക്കുകയും ചെയ്തു.
വട്ടിയൂർക്കാവിൽ പകർച്ചവ്യാധി പ്രതിരോധം ശക്തമാക്കും; ഡെങ്കിപ്പനി, ചിക്കൻഗുനിയ പ്രതിരോധിക്കാൻ പ്രത്യേക സ്ക്വാഡ് രൂപീകരിക്കും. കൗൺസിലർമാരുടെയും ഉദ്യോഗസ്ഥരുടെയും നേതൃത്വത്തിൽ റസിഡൻസ് അസോസിയേഷനുകളുടെ സഹകരണത്തോടെ കൊതുകിന്റെ ഉറവിടങ്ങൾ കണ്ടെത്തി നശിപ്പിക്കുന്ന പ്രവർത്തനങ്ങൾ ഏകോപിപ്പിക്കും.
ഇടവ പൊട്ടക്കുളം സ്വദേശി ഷഹാൻ ആണ് മരിച്ചത്. മുങ്ങൽ വിദഗ്ധര്‍ നടത്തിയ തെരച്ചലിലാണ് മൃതദേഹം കണ്ടെത്തിയത്. ഇന്നലെ വൈകീട്ടാണ് എക്സൈസ് സംഘത്തെ കണ്ടതിനെ തുടര്‍ന്ന് യുവാവ് കായലിൽ ചാടിയത്.
അനധികൃത നിർമാണങ്ങൾക്കെതിരെ തിരുവനന്തപുരം നഗരസഭ നടപടി ശക്തമാക്കി; മേയർ വി.വി. രാജേഷിന്റെ നേതൃത്വത്തിൽ നഗരത്തിന്റെ വിവിധ ഭാഗങ്ങളിൽ പരിശോധന. നിയമലംഘനം കണ്ടെത്തിയ കെട്ടിടങ്ങൾക്ക് സ്റ്റോപ്പ് മെമ്മോ നൽകി.
പിന്നിൽ നിന്നെത്തിയ തമിഴ്നാട് രജിസ്ട്രേഷൻ കാർ സ്കൂട്ടറിൽ ഇടിച്ച് തെറിച്ചുവീണ ഹോട്ടൽ ജീവനക്കാരൻ പ്രദീപിന് ദാരുണാന്ത്യം. ഇടിയുടെ ആഘാതത്തിൽ മുഖം റോഡിലടിച്ചാണ് പ്രദീപ് വീണതെന്ന് നാട്ടുകാർ പറഞ്ഞു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
